12 студзеня работнікі філіяла па культурна – дасугавай дзейнасці аграгарадка Стары Дворац разам з удзельнікамі гурткоў аматарскай творчасці правялі тэатральна – музычную праграму «Прыйшлі Святкі на Калядкі».
У аграгарадку Стары Дворац калядкі сталі добрай традыцыяй. Удзельнікам вельмі падабаецца пераапранацца ў "калядоўшчыкаў", удзельнічаць у традыцыйных калядных гульнях, вадзіць карагоды, спяваць вясёлыя песенькі-калядкі, якія славяць гаспадароў за шчодрасць, дабрыню, гасціннасць, нясуць пажаданне здароўя, шчасця і добрага настрою на ўвесь новы год.
