На працягу мінулага тыдня прайшоў шэраг лекцый для работнікаў аддзела ўнутраных спраў Бераставіцкага райвыканкама. Іх чытаў М.І. Пацэнка, навуковы супрацоўнік “Музея Вавёркі”, старшыня раённай арганізацыі “Веды”. Выступленне было прымеркаванае да 101-й гадавіны беларускай міліцыі. Падчас сустрэчы М.І Пацэнка асвяціў храналогію работы ўнутраных органаў на Бераставіччыне: ад барацьбы з бандамі ў пасляваенны час да ўдзелу міліцыянераў пры ліквідацыі наступстваў аварыі на Чарнобыльскай АЭС . Таксама кіраўніцтвам Бераставіцкага РАУС было арганізавана наведванне музея для сваіх супрацоўнікаў.