Да 75-годдзя Хатынскай трагедыі ў філіяле “Дзіцячая бібліятэка” для ўдзельнікаў клуба “Пошук” Вялікабераставіцкай сярэдняй школы, прайшоў вусны часопіс “Бярозы Хатыні і Вечны агонь”. Бібліятэкар расказала прысутным аб вялікай трагедыі маленькай вёскі Хатынь, якая з’яўляецца сімвалам усіх спаленых вёсак у Беларусі, якія фашысты знішчылі на тэрыторыі Беларусі.
 |
Рэхам у чытальнай зале адбіваліся прачытаныя ўспаміны Іосіфа Камінскага, Віктара Жалабковіча, Антона Бараноўскага, Валодзі і Соні Яскевічаў, якія сталі сведкамі і ўдзельнікамі Хатынскай трагедыі.Падчас мерапрыемства гучалі вершы А.Бачылы, П.Броўкі, Е.Лось, А.Астрэйкі і інш. Вучні праглядзелі дакументальны фільм “Святыні зямлі беларускай.Хатынь”. Завяршылася мерапрыемства аглядам літаратуры, якая была прадстаўлена на кніжнай выставе “Хатынь: памяць сэрца”. Сярод выданняў вядомыя творы Васіля Быкава і Алеся Адамовіча, прысвечаныя Хатынскай трагедыі, а таксама шматлікія артыкулы з перыядычных выданняў. Важна нагадаць маладому пакаленню пра гэты невыносна балючы і страшны эпізод Вялікай Айчыннай вайны, выказаць даніну памяці жыхарам спаленай беларускай вёскі.
 |
 |
