“Бераставіца кірмашовая”: народныя майстры Гродзеншчыны на “Бераст-Фэсце”
Яшчэ да пачатку ўрачыстага адкрыцця “Бераст-Фэста” вуліца Леніна ад школы да ўвахода ў сквер імя 500-годдзя Вялікай Бераставіцы пераўтварылася ў сапраўдны горад майстроў. Каля 50 рамеснікаў, народных майстроў з Гродзеншчыны і з другіх вугалкоў Беларусі прыехалі ў Бераставіцу, каб прадставіць свае вырабы на выставе-кірмашы і падзяліцца некаторымі сакрэтамі майстэрства.
Ганчарныя, саламяныя вырабы, вырабы з лазы, дрэва і металу, вышыванкі, цацкі, упрыгожванні –у рамесленых радах вочы разбягаліся ад разнастайнасці і прыгажосці прадстаўленых вырабаў.
Акрамя таго, людзі, якіх Бог не абдзяліў талентам і залатымі рукамі, ахвотна праводзілі майстар-класы і вучылі жадаючых свайму майстэрству.