Да Года малой радзімы супрацоўнікі філіяла “Дзіцячая бібліятэка” запрасілі дзяцей, якія адпачываюць ў летнім аздараўленчым лагеры “Бераставіцкі” на літаратурна – паэтычную гасцёўню “Наш родны край ў вершах і прозе”.
Каб людзі маглі ганарыцца сваім родным краем, мовай роднай зямлі, трэба ведаць гісторыю, знакамітых людзей, якія нарадзіліся тут і ўславілі сваю маленькую радзіму. Бібліятэкары пазнаёмілі дзяцей з імёнамі і творчасцю мясцовых паэтаў - землякоў . Хлопчыкі і дзяўчынкі чыталі вершы пра прыгажосць роднага краю. Мы ганарымся тым, што бераставіцкая зямля багата на таленавітых людзей, якія па – майстэрску валодаюць мастацтвам слова.