На экскурсію “Цудоўная краіна – бібліятэка” супрацоўнікі філіяла “Дзіцячая бібліятэка” запрасілі вучняў 1”Б” класа Вялікабераставіцкай сярэдняй школы.
Разам з бібліятэкарам дзеці падарожнічалі па аддзелах “абанемент”, “чытальная зала”, пазнаёміліся з правіламі карыстання бібліятэкай і паняццямі “чытацкі фармуляр”, “кніжны фонд.” У чытальнай зале дзеці чыталі цікавыя кніжкі з прыгожымі малюнкамі і знаёміліся з навінкамі перыядычных выданняў. А таксама школьнікі наведалі экспазіцыю фотаздамкаў “Фотаімгненні для нашчадкаў” і партрэтную галерэю знакамітых землякоў Бераставіччыны.