У філіяле “Дзіцячая бібліятэка” для вучняў 8”А” класа Вялікабераставіцкай сярэдняй школы прайшоў гістарычны экскурс “Памяць бераставіцкай зямлі”, прысвечаны Году малой радзімы.
Бібліятэкар пазнаёміла школьнікаў з гісторыяй, культурай і традыцыямі роднага краю. Гучалі вершы мясцовых паэтаў, у якіх адлюстравана любоў і павага да малой радзімы і яе жыхароў. Вучні наведалі экспазіцыю фотаздымкаў “Фотаімгненні для нашчадкаў”, якая знаёміць наведвальнікаў з гістарычнымі асобамі, чый лёс быў звязаны з Бераставіцкім краем і жыццёвым укладам пасёлка.