Супрацоўнікі філіяла “Дзіцячая бібліятэка” запрасілі ўдзельнікаў клуба для падлеткаў “Расток” на гісторыка – краязнаўчы экскурс, прысвечаны 75 – годдзю з часу ўтварэння Бераставіцкага раёна. Школьнікі даведаліся пра слаўную гісторыю і сучаснае жыццё нашай малой радзімы , таленавітых землякоў, якія ўнеслі важкі ўклад у развіццё народнай гаспадаркі, навукі, культуры і мастацтва. Бібліятэкар расказала дзецям пра герояў Вялікай Айчыннай вайны, імёнамі якіх, названы вуліцы на Бераставіччыне. Адбылася прэзентацыя кнігі “Доўгія вёрсты вайны”, якая знаёміць чытачоў з лёсам нашых землякоў у час нямецкай акупацыі, аб тых парадках, якія ўсталявалі акупанты на тэрыторыі Бераставіцкага раёна.
 |
 |