У філіяле “Малабераставіцкая інтэграваная сельская бібліятэка” прайшла гадзіна прававой асветы “Табе аб праве і права пра цябе”, прысвечаная Сусветнаму дню правоў дзіцяці. Удзельнікаў знаёмілі ў гульнёвай форме з асноўнымі прававымі дакументамі: Дэкларацыяй правоў дзіцяці, Канвенцыяй ААН аб правах дзіцяці. Школьнікі прынялі ўдзел у гульні “Права на імя”, “Складзіце слова”, “Вызначы хто з герояў казкі пазбаўлены правоў”, разбіралі сітуацыі ў інсцэніроўцы “Правы і абавязкі”. Была наладжана выстава-панарама “Маленькім людзям вялікія правы”.