12 ліпеня супрацоўнікі аддзела па рабоце з моладдзю ДУК "Бераставіцкі раённы цэнтр культуры і народнай творчасці», працягваючы добрыя традыцыі прапаганды здаровага ладу жыцця, правялі акцыю «Змяняем цыгарэту на цукерку».
Сустракаючы мінакоў на вуліцы, яны прапаноўвалі змяніць цыгарэты на цукеркі, заклікалі жыхароў адмовіцца ад курэння ды весці здаровы лад жыцця, а так сама раздавалі ўлёткі «Як курэнне ўплывае на арганізм чалавека».
Рэакцыя мінакоў была, у асноўным, добразычлівая. Людзі з задавальненнем прымалі ўдзел у акцыі.
У рамках тэматычнай акцыі было сабрана і знішчана шмат цыгарэт розных марак. Адмова ад адной цыгарэты для заўзятага курца - вельмі маленькі крок да здароўя, маленькі, але ўсё ж такі крок! Ёсць упэўненасць, што мерапрыемства прынесла шмат карысці, ды і цукеркі куды карысней тытуня!