Новости

У філіяле “Пархімаўская інтэграваная сельская бібліятэка” арганізавана кніжная выстава “Любімыя творы некалькіх пакаленняў”, прысвечаная 115-годдзю з дня нараджэння расійскага пісьменніка Аркадзя Пятровіча Гайдара (Голікава). Дзеці прышкольнага лагера ДУА “Пархімаўскі вучэбна –педагагічны комплекс яслі –сад – базавая школа” пазнаёміліся з выставай, для іх быў арганізаваны бібліяграфічны агляд літаратуры і знаёмства з біяграфіяй А.П.Гайдара з праглядам буктрэйлера, а таксама адбыліся гучныя чытанні твораў аўтара. Прысутныя з задавальненнем прачыталі апавяданні “Ночь в карауле”, “Распущенность» і іншыя.

У філіяле “Малабераставіцкая інтэграваная сельская бібліятэка” прайшоў Дзень добрых спраў "Кніжкіна бальнічка". Да пачатку мерапрыемства былі падрыхтаваны кнігі, якія маюць патрэбу ў рамонце. Юным наведвальнікам нагадалі правілы беражлівых адносін з кнігамі. Дзеці ўважліва слухалі, а затым з вялікай адказнасцю падышлі да "лячэння" кніжных выданняў, распраўлялі загнуўшыся старонкі,падклейвалі клеям, скотчам і паперай, сціралі алоўкавыя пазнакі. У творчай майстэрні дзеці адчулі важнасць сваёй працы, і прыйшлі да высновы, што да кніг трэба ставіцца беражліва і акуратна. Адрамантавана звыш 20 кніг.

Супрацоўнікі філіяла “Дзіцячая бібліятэка” правялі для наведвальнікаў гульню-падарожжа “Тры чароўных вока ў святлафора”. Бібліятэкар паўтарыла з дзецьмі правілы дарожнага руху, а таксама агульныя правы і абавязкі паводзін на дарозе. Падчас мерапрыемства ўдзельнікі адказвалі на пытанні віктарын “Зялёны агеньчык”, “Азбука бяспекі” і “Скрыжаванне загадак”. Прынялі ўдзел у гульнях “Можна ці не?”, “Эстафета шафёраў”, “Дарожныя знакі”.