Новости

Для летняга працоўнага атрада “БЭМС”, у філіяле “Малабераставіцкая інтэграваная сельская бібліятэка”, прайшоў урок гісторыі “22 чэрвеня. Дзень памяці і смутку”, прысвечаны Дню ўсенароднай памяці ахвяр Вялікай Айчыннай вайны. Да пачатку ўрока наведвальнікі пазнаёміліся з кніжна-ілюстрацыйнай выставай “Вогненныя гады Беларусі”. Бібліятэкар распавяла пра першыя сполахі ліхалецця, трагічныя падзеі 22 чэрвеня 1941 года. Вучаніца 10 класа Мілінкевіч Алёна прачытала ўрывак пра мужнасць і гераізм абаронцаў Брэсцкай крэпасці з рамана “В списках не значился” Барыса Васільева. “Человека можно убить, – говорит защитник Бреста, лейтенант Плужников, герой произведения, – но победить нельзя”. Хіба можна з гэтым паспрачацца?

У філіяле "Малабераставіцкая інтэграваная сельская бібліятэка" прайшлі гучныя чытанні “Летняе падарожжа з кнігай”. Для ўдзельнікаў праводзіліся гучныя чытанні кніг пісьменнікаў-юбіляраў: Аляксандра Пушкіна, Мікіты Чарушына, Анатоля Алексіна, Уладзіміра Адоеўскага, Віктара Галяўкіна, Туве Марыкі Янсон. Дзеці прыйшлі ў бібліятэку не толькі для таго, каб пачытаць кнігі ці паўдзельнічаць у бібліятэчным мерапрыемстве, але і самастойна пазаймацца якой небудзь любімай справай ці проста пагуляць. Юныя наведвальнікі бібліятэкі з задавальненнем прымалі ўдзел у інтэлектуальных і літаратурных гульнях.

Бібліятэкар філіяла "Канюхоўская інтэграваная сельская бібліятэка" правяла ў летнім школьным лагеры "Сонейка" конкурс малюнкаў " Мы дзеці твае, Беларусь!». У сваіх малюнках дзеці паказалі, што для іх значыць слова Радзіма і перадалі ў іх сваю любоў да нашай краіны.