Новости

У філіяле “Дзіцячая бібліятэка” для дзяцей прышкольнага лагера “Дружба” Вялікабераставіцкай сярэдняй школы прайшла экскурсія “Я вырас тут і край мне гэты дарагі”, прысвечаная Году малой радзімы.Бібліятэкар пазнаёміла хлопчыкаў і дзяўчынак з выставай фатаграфій Бераставіччыны ХХ стагоддзя “Фотаімгненні для нашчадкаў”, з партрэтнай галерэяй знакамітых землякоў, а таксама з карцінамі мясцовага мастака, якія адлюстроўваюць падзеі, мясціны і архітэктурныя помнікі Бераставіцкага краю. На завяршэнне мерапрыемства дзеці пазнаёміліся з матэрыяламі кніжна – інфармацыйнай выставы “Зямля мая, край маляўнічы”.

Філіял “Дзіцячая бібліятэка” наведалі дзеці з летняга аздараўленчага лагера “Вясёлка”, які арганізаваны пры раённым цэнтры творчасці дзяцей і моладзі. Супрацоўнікі бібліятэкі правялі цікавую конкурсна – гульнёвую праграму “Разам з кнігай адчыняем свет”.Хлопчыкі і дзяўчынкі ўдзельнічалі ў конкурсах “Аматары кніг”, “Казачная паэзія”, гульне “Кнігі майго дзяцінства”, а таксама адгадвалі кніжных герояў па ілюстрацыях. Усе удзельнікі мерапрыемства змаглі праявіць сябе і паказаць свае веды.

У філіяле “Пагранічная сельская бібліятэка” прайшоў час разважанняў “Казка запрашае паразважаць”, на якую былі запрошаны дзеці з аздараўленчага лагера. Увазе прысутных была прапанавана гутарка пра важнасць і значэнне казкі ў пазнанні народнай мудрасці, урокаў жыцця і маралі. Было падкрэслена, што казка прымушае думаць, шукаць і знаходзіць выйсце з розных жыццёвых сітуацый. Дзецям цікава было даведацца пра адрозненне народных казак ад літаратурных. А потым адбылося знаёмства з класікамі беларускай казкі і сучаснымі аўтарамі казак для дзяцей. Завяршыўся ўрок віктарынай і аглядам беларускіх літаратурных казак, прадстаўленных на кніжнай выставе.