Новости

У філіяле «Алекшыцкая сельская бібліятэка» на «Сустрэчу нестарэючых людзей» сабраліся мудрыя  і таленавітыя людзі, дзіўныя гаспадыні і проста добрыя людзі.У госці з добрымі словамі і карыснай інфармацыяй завітаў настаяцель Алекшыцкага храма Пакрова Прасвятой Багародзіцы а.Сергій.У душэўнай атмасферы ён распавёў пра веліч свята Вялікадня, паведаміў якія каноны трэба выконваць у пост і якім запаведзям трэба прытрымлівацца у паўсядзённым  жыццё.Арганізатары вечара падарылі ўдзельнікам галоўнае: ўвагу і добры настрой, пажадалі нязгаслай цікавасці да жыцця, моцнага здароўя на доўгія гады, цяпла і любові блізкіх людзей, шчасця і дабрабыту.

У філіяле «Канюхоўская інтэграваная сельская бібліятэка» адбылася чарговая сустрэча аматарскага аб'яднання «Чамучкі». Тэмай сустрэчы стала гучнае чытанне «Прыйшоў час чытаць». Падчас мерапрыемства, бібліятэкар пазнаёміла дзяцей з правіламі карыстання бібліятэкай, расказала што такое чытацкі фармуляр. У канцы сустрэчы прысутныя прачыталі і абмеркавалі англійскую народную казку «Тры парасяці».

У філіяле “Малабераставіцкая інтэграваная сельская бібліятэка” да Года турызма прайшла гадзіна кітайскай паэзіі “Паэтычная эпоха дынастыі Тан”. У ходе мерапрыемства дзеці даведаліся гісторыю праўлення дынастыі Тан. Наведвальнікі пазнаёміліся са зборнікам кітайскай паэзіі "100 абраных вершаў дынастыі Тан", чыталі лепшыя ўзоры вершаў таго перыяду кітайскай культуры.