У вялікай канцэртнай праграме ўдзельнічалі не толькі мясцовыя ўдзельнікі аматарскай творчасці, але і артысты з філіялаў па культурна-дасугавай дзейнасці аграгарадкоў Малая Бераставіца, Стары Дворац, Алекшыцы.
Выстава традыцыйнай выпечкі, якая звычайна рыхтуецца на свята Пятра і Паўла, нікога не пакінула абыякавым. Мясцовыя майстрыхі Марыя Саросек, Бажэна Саўко, Марына Капіца і Вольга Саросек пастараліся на славу. Бісквітныя пірожныя, тарты, тварожныя пірагі па-кракоўскі, або кракаўскія сырнікі, якімі славіцца польская кухня, у іх атрымаліся смачнымі.
 |
 |
На свяце карысталася папулярнасцю дзіцячая гульнявая пляцоўка, дзе маленькім жыхарам аграгарадка былі прапанаваны гульні, конкурсы, а таксама атракцыёны Бераставіцкага раённага цэнтра культуры і народнай творчасці. Працавалі гандлёвыя палаткі з салодкай ватай, поп-корнам, рознымі прысмакамі і дзіцячымі цацкамі.
