Канстытуцыя – галоўны закон любой краіны, які рэгулюе ўзаемаадносіны грамадзяніна і дзяржавы, з’яўляецца фундаментам для развіцця яе прававой сістэмы.Штогод 15 сакавіка адзначаецца Дзень Канстытуцыі Рэспублікі Беларусь. Да гэтага дня ў чытальнай зале Бераставіцкай раённай бібліятэкі падрыхтавана кніжная выстава, на якой прадстаўлены выданні афіцыйнага характару аб сацыяльна-эканамічным развіцці краіны, альбомы, якія адлюстроўвалі культурна-гістарычную спадчыну, народную сімволіку нашай краіны.
