Ноч музеяў – святочнае мерапрыемства, прысвечанае Міжнароднаму дню музеяў, – адбылася 27 мая ў музеі Вавёркі. Утульны музейны дворык у гэты суботні вечар ператварыўся ў сцэнічную і выставачную пляцоўку, на якой размясціліся экспазіцыі і творчыя майстэрні, ладзіліся гульні, выступалі музычныя гурты з Гродна, Вялікай Бераставіцы і Пагранічнага.
Гасцей сустракалі фітачаем. Духмяны, ліпавы з мятай, ён прыемна саграваў і расслабляў. У імправізаваным фітабары можна было пачаставацца таксама смачным узварам з сухафруктаў, а ў бяспройгрышнай латарэі – выйграць прыемныя дробязі і сувенірную прадукцыю.
Тыя з наведвальнікаў, хто яшчэ не быў знаёмы з экспазіцыяй музея Вавёркі, з цікавасцю разглядалі экспанаты, з задавальненнем праходжваліся па ўтульных музейных пакоях, рабілі здымкі на памяць.
Святлана Ганчарова, фота аўтара
Оригинал статьи: читать