“Светлы вобраз матулі маёй..” – пад такой назвай прайшло чарговае пасяджэнне клуба маладых інвалідаў “Вясёлка дабра”, які працуе пры Бераставіцкай раённай бібліятэцы. Сустрэча была прысвечана Дню маці. Бібліятэкары падрыхтавалі для наведвальнікаў клуба пазнавальна-забаўляльную праграму, падчас якой маладыя людзі актыўна ўдзельнічалі ў конкурсах, адказвалі на пытанні віктарыны, адгадвалі загадкі, выконвалі песні, прысвечаныя самаму дарагому чалавеку на свеце – Маці. У канцы сустрэчы супрацоўнікі правялі майстар-клас па вырабу віншавальных паштовак з Днём маці.
 |
