У філіяле «Пархімаўская ІСБ» прайшоў бібліятэчны ўрок - экскурсія "Дом, дзе жывуць кнігі», гасцямі якога былі дзеці з школьнага летняга лагера «Круіз летніх адкрыццяў». Бібліятэкары пазнаёмілі дзяцей з бібліятэкай і з правіламі паводзін у ёй.
231778, Гродненская область, г.п. Большая Берестовица, пер. Зеленый, 3
Новости
Для ўдзельнікаў летняга лагера з дзённым прыбываннем “Сонейка” у філіяле “Малабераставіцкая інтэграваная сельская бібліятэка” прайшла творчая гульня-пошук “Бібліямарафон”. Мерапрыемства праводзілася з мэтай пашырыць кругагляд дзяцей, выхаваць пазнавальную цікавасць да чытання, асабліва ў летні перыяд. Адказваючы на заданні бібліятэкара ўспомнілі казкі Андэрсана, Гаўфа, братоў Грым, успомнілі рускія народныя казкі, бо менавіта з іх пачынаецца першае знаёмства дзіцяці з мастацкай літаратурай. На мерапрыемстве дзеці акунуліся ў атмасферу вясёлага духу спаборніцтва, дасціпнасці, знаходлівасці і супрацоўніцтва. Яны актыўна адгадвалі творы, удзельнічалі ў віктарыне “Кніга наш лепшы сябар”. Вялікі інтарэс у дзяцей выклікалі конкурсы “Ланцужок слоў” і “Бюро знаходак”. Дзеці з задавальненнем прынялі ўдзел у казачных віктарынах і конкурсах і прадэманстравалі выдатныя веды, як рускіх, так і замежных казак, бо краіна казак - самая дзіўная і цудоўная краіна з усіх. Мерапрыемства прайшло весела і займальна.
У філіяле «Пархімаўская інтэграваная сельская бібліятэка» адбылося пасяджэнне аматарскага аб'яднання «Нехварэйка», на якім абмяркоўвалася тэма «Тэхніка бяспекі і здароўе». Выкананне правілаў бяспекі ў школе, дома, на вуліцы павінны стаць важнай часткай у жыцці кожнага. Для прысутных была праведзена віктарына «Дарожная азбука», гульня «Дазваляецца - забараняецца».
Да Года народнага адзінства і з мэтай далучэння дзяцей да вытокаў народнай культуры ў філіяле “Малабераставіцкая інтэграваная сельская бібліятэка” прайшоў вусны часопіс “Народная культура Беларусі”. Дзеці даведаліся, што народны каляндар беларусаў грунтуецца на каляндарных цыклах або земляробчых святаў: вясной - Вялікдзень, Клікання вясны, Вербная нядзеля, Радаўніца. Летам – Тройца, Купалле. Восенню – Дзяды, Пакровы, Жніво. Зімой – Каляды, Грамніцы, Масленіца. Пазнаёміліся з традыцыямі і звычаямі святкавання гэтых свят, з традыцыйнымі забавамі нашых продкаў, адказалі на пытанні віктарыны “Мая радзіма”. Падводзячы вынікі зрабілі выснову, што абрады і святы, якія захаваліся на беларускай зямлі, граюць немалаважную ролю ў жыцці беларускага народа.
Бібліятэкар філіяла “Алекшыцкая сельская бібліятэка” правяла для моладзі гульнявую віктарыну “Горад майстроў”, якія наведалі музей філіяла па культурна – дасугавай дзейнасці аг. Алекшыцы. Пазнаёміўшыся з экспанатамі музея, няцяжка было адказаць правільна на пытанні… А калі хто сумняваўся за выбраны адказ, сябры тут жа прыходзілі на дапамогу. Атрымалася вельмі весела і цікава. Прысутныя з карысцю правялі свой вольны час.
У філіяле “Пагранічная сельская бібліятэка” да Года народнага адзінства прайшлі гучныя чытанні “Мы такія розныя, мы такія аднолькавыя”. У гэты дзень дзяцей паклікала да сябе ў госці Казка. Казка - скарбніца жыццёвага вопыту і традыцый розных народаў, шматграннасць захоўваемай інфармацыі. Казка нясе ў сабе культуру, светапогляд, стыль узаемаадносін, маральныя нормы пэўнага народа. Прычым у казках звычайна перадаецца самае патаемнае і характэрнае для нацыі. Падчас мерапрыемства дзеці чыталі казкі, адказвалі на пытанні віктарыны “Казачны мікс”, разгадвалі загадкі.
