Напярэдадні Дня памяці воінаў – інтэрнацыяналістаў ў філіяле “Дзіцячая бібліятэка” для ўдзельнікаў клуба “Пошук” Вялікабераставіцкай сярэдняй школы прайшоў урок мужнасці “Салдат вайны не выбірае”.
 |
 |
Бібліятэкар коратка пазнаёміла школьнікаў з асноўнымі гістарычнымі фактамі пачатку ваенных дзеянняў ў Афганістане і расказала як мужна і прафесійна выконвалі свой воінскі абавязак нашы салдаты. На сустрэчу запрасілі ветэрана вайны ў Афганістане, жыхара Вялікай Бераставіцы Сяргея Іванавіча Кірэйчука, які падзяліўся сваімі ўспамінамі аб той жорсткай вайне і адказаў на пытанні дзяцей.Удзельнікі мерапрыемства ўспомнілі імёны нашых землякоў, якія прайшлі пекла афганскай вайны. Хвілінай маўчання прысутныя ўшанавалі памяць усіх загінуушых. На завяршэнне мерапрыемства дзеці пазнаёміліся з літаратурай, якая была прадстаўлена на кніжнай выставе “Афган: полымя вайны” і паглядзелі дакументальны фільм “Афганістан”.
 |
 |
 |
 |
 |
 |
