У Бераставіцкай раённай бібліятэцы імя В. М. Кавалеўскага адбылося чарговае пасяджэнне клуба маладых інвалідаў “Вясёлка дабра” і было прысвечана Дню абаронцаў Айчыны і Узброеных сіл Рэспублікі Беларусь.
 |
 |
Супрацоўнікі бібліятэкі прадставілі электронную прэзентацыю “Дзень абаронцаў Айчыны і Узброеных сіл Рэспублікі Беларусь” і пазнаёмілі ўдзельнікаў мерапрыемства з гісторыяй заснавання свята. Пасяджэнне прадоўжыла “пазнавальна-забаўляльная праграма “Армейскі калейдаскоп”, падчас якой усе прысутныя прынялі ўдзел у жартоўных конкурсах, гульнях, адказвалі на пытанні тэматычнай віктарыны. У выкананні ўдзельнікаў клуба прагучалі песні, прысвечаныя арміі і салдацкаму жыццю. Бібліятэкары павіншавалі маладых мужчын са святам і падаравалі ім памятныя сувеніры. Завяршылася мерапрыемства салодкім сталом, які арганізавала для прысутных сям’я Сірануш Геворгаўны Палакян з аграгарадка Алекшыцы.
 |
 |
 |
 |
