У межах дзяржаўнай праграмы “Беларусь гасцінная” у філіяле “Малабераставіцкая інтэграваная сельская бібліятэка” арганізавана тэматычная паліца “Тут карані, адсюль вытокі”. З выданняў прадстаўленых на паліцах можна здзейсніць невялікую экскурсію па нашым краі. Бібліятэкар пачала свой аповед аб тым, што ёсць такое паняцце “Малая Радзіма”. У лёсе кожнага чалавека яна шматаблічная. Для многіх з нас — гэта вёска, пасёлак ці аграгарадок, дзе першым словам навучыла маці, дзе прайшлі лепшыя дзіцячыя гады, дзе зрабіў свае крокі ў самастойнае жыццё. Малая Радзіма — гэта кавалачак дзікай прыроды, які радаваў вока і дарыў пачуццё напоўненасці і спакою, той куточак, куды заўсёды хочацца вяртацца, для якога хочацца зрабіць шэраг карысных спраў. Разам мы ўспаміналі, чым багата наша Гродзенская вобласць і Малая Бераставіца, бліжэй пазнаёміліся са знакамітымі землякамі і прыродай роднага краю. Выстава будзе працаваць на працягу года, і папаўняцца новымі матэрыяламі.
