Да 100-годдзя з дня нараджэння народнага пісьменніка Беларусі Івана Пятровіча Шамякіна супрацоўнікі Бераставіцкай раённай бібліятэкі правялі для вучняў сярэдняй школы літаратурную экспрэс-хвіліну “ Іван Шамякін. Жыццёвы і творчы шлях”. Бібліятэкар прадставіла дзецям кніжную выставу “Я любіў людзей, верыў ім, славіў іх…”, якая працуе на абанеменце раённай бібліятэкі і прысвечана юбіленай даце творцы, а таксама пазнаёміла з цікавымі старонкамі біяграфіі пісьменніка. Вучняў зацікавілі найноўшыя выданні аб жыцці і творчасці І.П. Шамякіна. Супрацоўнік бібліятэкі праінфарміравала дзяцей аб тым, што больш падрабязней пазнаёміцца з біяграфіяй І.П. Шамякіна можна на сайце бібліятэкі, паглядзеўшы онлайн-прэзентацыю, прысвечаную народнаму пісьменніку Беларусі.
