Новости

6 лістапада напярэдані Дня Кастрычніцкай рэвалюцыі работнікі філіяла «Алекшыцкая сельская бібліятэка» сумесна з работнікамі філіялаў па культурна-дасугавай дзейнасці аг.Макараўцы і аг. Канюхі наведалі аддзяленне кругласутачнага знаходжання для пажылых і адзінокіх аг.Алекшыцы, дзе правялі літаратурна-музычны час «Няма лепшага спадарожніка, чым памяць». Бібліятэкары расказалі пра гістарычныя падзеі Кастрычніцкай рэвалюцыі. Да распаду СССР ён лічыўся адным з самых значных у годзе, «чырвоным днём календара». Гэта свята па-ранейшаму працягваюць адзначаць у Беларусі 7 лістапада. Акунуцца ў настальгію дапамагла тэматычная выстава - напамін "1917 - наша агульная гісторыя», а зарад бадзёрасці і добрага настрою прыпаднеслі ўдзельнікі канцэрта.

У філіяле “Дзіцячая бібліятэка” дзеці з прышкольнага лагера “Дружба”, прынялі ўдзел у краязнаўча – турыстычным экскурсе “Бераставіччына – мая зямля, мая Радзіма!”. Бібліятэкар пазнаёміла школьнікаў з гісторыяй малой радзімы, архітэктурнымі помнікамі, традыцыямі. Дзеці ўспомнілі назвы вуліц, на якіх яны жывуць, расказвалі аб прыгожых і маляўнічых куточках роднага краю. Гучалі вершы мясцовых паэтаў, у якіх адлюстравана любоў і павага да сваёй малой радзімы і роднай мовы. У рамках сустрэчы бібліятэкар правяла для дзяцей пазнавальную экскурсію па экспазіцыі фотаздымкаў “Фотаімгненні для нашчадкаў”, партрэтнай галерэі знакамітых землякоў, а таксама пазнаёміла з карцінамі мясцовага мастака, якія адлюстроўваюць падзеі, мясціны і страчаную спадчыну Бераставіцкага краю.

З 4 па 6 лістапада ў філіяле «Алекшыцкая сельская бібліятэка» дзейнічала выстава - напамін «1917 - наша агульная гісторыя», прысвечаная Дню Кастрычніцкай рэвалюцыі. На выставе былі прадстаўлены мастацкія, дакументальныя і літаратурныя творы, у якіх адлюстравана кастрычніцкая тэматыка.