У філіяле “Малабераставіцкая інтэграваная сельская бібліятэка”, для дзяцей профільнага аздараўленчага лагера “Краяведы” з кругласутачным знаходжаннем, прайшлі гучныя чытанні “Беларускія пісьменнікі - юбіляры 2021 года”. Прысутныя даведаліся цікавыя факты з біяграфіі майстроў роднага слова і пазнаёміліся з іх творамі. На сустрэчы гучалі байкі, урыўкі з твораў і вядомыя вершы М.Багдановіча, В.Віткі, І.Шамякіна, І.Мележа, К.Крапівы, І.Муравейкі, П.Місько, М.Маляўкі, Н.Гілевіча, Ул.Ягоўдзіка і інш. Беларуская мова заўсёды ў сэрцы кожнага беларуса, родная і блізкая з самага дзяцінства. Наведвальнікі з задавальненнем паслухалі мілагучныя вершы на роднай мове. Маладое пакаленне павінна зберагчы родную мову для будучага сваёй краіны. І з гордасцю несці яе ў сваім сэрцы. Для гасцей была наладжана кніжная выстава твораў - юбіляраў беларускіх пісьменнікаў.
