Новости

У нядзелю 18 ліпеня на інтэрактыўнай пляцоўцы “#БераставіцаМаладая”, ля летняга амфітэатру супрацоўнікі раённай і дзіцячай бібліятэк правялі для дзяцей інфармацыйную гадзіну “Таямніцы дзеда Прыродаведа”, прысвечаную навакольнаму асяроддзю і тэматычную віктарыну “Знаўцы прыроды” пра жывёльны і раслінны свет нашай планеты. Свае адказы хлопчыкі і дзяўчынкі дружна малявалі на дошцы каляровымі маркерамі. Таксама падчас працы пляцоўкі дзеці гулялі ў настольныя гульні і чыталі прапанаваныя на выставе кнігі і перыядычныя выданні.

У філіяле “Алекшыцкая сельская бібіліятэка” дзейнічала кніжная выстава “Пісьменніца з мінулага”, да 145-годдзя з дня нараджэння Элаізы Пашкевіч – Цёткі, беларускай пісьменніцы. Наведвальнікі бібліятэкі ў гэты дзень маглі пазнаёміцца з жыццём і творчасцю пісьменніцы. Бібліятэкар прапанавала пачытаць некалькі яе вядомых твораў, што вельмі зацікавіла чытачоў і яны з задавальненнем узялі кнігі Цёткі дамоў пачытаць.

Як важна берагчы і шанаваць усё тое, што з такой працай дасталося нашым продкам, прыўмножанае нашымі бацькамі і імя якому - мая любімая Радзіма, мая Беларусь! Менавіта гэтыя пытанні і каштоўнасці абмяркоўваліся падчас гутаркі «Жыць заўсёды ў міры» ў філіяле «Канюхоўская інтэграваная сельская бібліятэка».