231778, Гродненская область, г.п. Большая Берестовица, ул.Советская,13
Для навучэнцаў І курса Бераставіцкага сельскагаспадарчага ліцэя супрацоўнікі раённай бібліятэкі імя В.М. Кавалеўскага правялі краязнаўчую экскурсію “Па старонках гісторыі Бераставіцкага краю”, падчас якой дзеці атрымалі кароткую інфармацыю па гісторыі краю, пазнаёміліся з імёнамі славутых людзей Бераставіччыны. Увазе навучэнцаў была прадстаўлена фотагалерэя “Фотаімгненні для нашчадкаў”, на якой змешчаны фотаздымкі краявідаў і жыхароў Бераставіччыны, зробленыя ў пачатку ХХ стагоддзя. Дзяцей асабліва зацікавілі фота страчанай спадчыны Бераставіцкага краю.
9 мая, у Дзень Перамогі, ў гарадскім парку “500-годдзя Вялікай Бераставіцы” дзейнічала святочная пляцоўка з кніжнай выставай “Вечны агонь Перамогі” Бераставіцкай раённай бібліятэкі імя В.М. Кавалеўскага. Бібліятэкары падрыхтавалі 49 кніг і альбомаў, прысвечаных Дню Перамогі савецкага народа над фашысцкай Германіяй у гады Вялікай Айчыннай вайны. Таксама працавала чытальная зала на адкрытым паветры, дзе наведвальнікі любога ўзросту маглі азнаёміцца з цікавымі ілюстраванымі выданнямі, пачытаць вершы аб Вялікай Айчыннай вайне ў зборніку “Памяць вогненных гадоў”.