Новости - Сектор культуры Берестовицкого районного исполнительного комитета

: 06 Март 2021; Просмотров: 463

Кніжная выстава "Майстар слова - Кандрат Крапіва"

З 1 па 6 сакавіка ў філіяле “Малабераставіцкая інтэграваная сельская бібліятэка” дзейнічала кніжная выстава да 125-годдзя з дня нараджэння Кандрата Крапівы. На працягу тыдня наведвальнікі бібліятэкі мелі магчымасць пазнаёміцца з біяграфіяй і творчым шляхам пісьменніка. Баечны жанр у беларускай літаратуры развівалі многія пісьменнікі. Аднак менавіта з імем Кандрата Крапівы звязваецца росквіт гэтага жанру ў беларускай літаратуры. Таксама чытачы бібліятэкі прынялі ўдзел у online акцыі “Чытаем разам творы Кандрата Крапівы”.

: 06 Март 2021; Просмотров: 465

Музычная вечарына “Жаночае шчасце”

Напярэдадні свята, 8 Сакавіка, бібліятэкары філіяла “Малабераставіцкая інтэграваная сельская бібліятэка”, для ўдзельнікаў аматарскага аб'яднання “Пагаворым па шчырасці” падрыхтавалі музычную вечарыну “Жаночае шчасце”. Для мілых жанчын у праграме мерапрыемства прагучалі віншаванні, вершы пра жанчыну, песні. Разнастайныя віктарыны і конкурсы стварылі атмасферу вясёлага, святочнага настрою. У добрай абстаноўцы людзі старэйшага пакалення правялі свой вольны час. Таксама прысутныя мелі магчымасць пазнаёміцца з выставай вырабаў прыкладнога мастацтва “Разам з унукамі”. Пакідалі бібліятэку ўдзельнікі мерапрыемства з добрым настроем і станоўчымі эмоцыямі.

: 06 Март 2021; Просмотров: 433

Літаратурна–музычны вечар “Мама для кожнага адна”

Напярэдадні 8 Сакавіка ўдзельнікі аматарскага аб'яднання ”Ладачкі” сабраліся на літаратурна – музычны вечар “Мама для кожнага адна”. У гэты дзень словы кахання гучалі для добрых і ласкавых, моцных і адначасова ўразлівых, нашых родных і каханых жанчын. Без гэтых жанчын у нашым жыцці не было б святла, дабра, цяпла, кахання і яркіх фарбаў жыцця! Таксама да свята ў бібліятэцы дзейнічала выстава – віншаванне “Са святам вясны!”.

: 05 Март 2021; Просмотров: 459

Пасяджэнне клуба па інтарэсах “Вяскоўцы”

У філіяле "Ст.Дварэцкая сельская бібліятэка" прайшло пасяджэнне клуба па інтарэсах “Вяскоўцы” “Са святам, мамы і бабулі”. Гучалі вершы, адбыўся прагляд жартоўнай прэзентацыі ”Дамы, купіце сабаку”. Цікавасць выклікала выстава “Вам, мілыя жанчыны”.

: 05 Март 2021; Просмотров: 456

Пасяджэнне аматарскага аб'яднання "Сустрэча"

Напярэдадні жаночага свята, у філіяле “ Алекшыцкая сельская бібіліятэка” сабраліся на чарговае пасяджэнне ўдзельнікі аматарскага аб’яднання “Сустрэча”, каб павіншаваць сваіх сябровак з надыходзячым святам. “Напоўняцца любоўю жаночыя сэрцы” – такую назву мела гэтая сусрэча. У цёплай, сяброўскай атмасферы жанчыны абменьваліся рознымі цікавымі, гумарыстычнымі гісторыямі са свайго жыцця, спявалі вясёлыя песні, разгадвалі загадкі. І вядома не абыйшлося без паэзіі - гучалі вершы пра жанчын. Удзельнікі “Сустрэчы” атрымалі зарад пазытыўных эмоцый і добры настрой.

: 05 Март 2021; Просмотров: 551

Кніжная выстава “Зброя сатыры, зброя праўды”

5 сакавіка спаўняецца 125 год з дня нараджэння Кандрата Крапівы – народнага пісьменніка Беларусі, класіка беларускай літаратуры, паэта, сатырыка, драматурга, празаіка, грамадскага дзеяча, літаратуразнаўцы, перакладчыка і лаўрэата шматлікіх Дзяржаўных прэмій. Менавіта з гэтай нагоды ў філіяле “Пагранічная сельская бібліятэка” на працягу тыдня дзейнічала кніжная выстава “Зброя сатыры, зброя праўды”. З асаблівым захапленнем наведвальнікі бібліятэкі звярнулі ўвагу на прадстаўленыя кнігі сатыры і гумару «Асцё», «Крапіва», «Біблія», «Байкі» «Жаба ў каляіне», «Сорак баек», «Хто смяецца апошнім», «Проба агнём» «Людзі і д’яблы», «Брама неўміручасці» , «На вастрыі». Чытачы з ахвотай прынялі ўдзел у Online-акцыі "Чытаем разам творы Кандрата Капівы". Кандрат Крапіва – выдатны мастак слова, ён узбагаціў беларускую літаратуру шматлікімі творамі, разнастайнымі па жанру і тэматыцы, у якіх адлюстроўваецца жыццё нашай краіны на розных этапах яе гісторыі. Асабліва вялікая заслуга яго ў развіцці сатырычных жанраў, у развіцці беларускай байкі і драматургіі.

Страница 171 из 599