231778, Гродненская область, г.п. Большая Берестовица, ул.Советская,13
Да Сусветнага дня водных рэсурсаў у філіяле “Малабераставіцкая інтэграваная сельская бібліятэка” прайшла экалагічная віктарына-падарожжа “H2O ў аснове ўсяго!”. Наведвальнікі змаглі здзейсніць падарожжа па краіне яе вялікасці Вады, даведаліся пра ваду як крыніцу ўсяго жывога, аб цікавых і дзіўных фактах звязаных з вадой, пра значэнне вады ў жыцці чалавека. Навучэнцы даведаліся, якая вада “жывая”, а якая “мёртвая”, аб важнай уласцівасці вады запамінаць інфармацыю, а таксама многае іншае. У ходзе мерапрыемства дзеці адгадвалі загадкі, успаміналі прыказкі, прымаўкі аб вадзе, адказвалі на пытанні віктарыны. На прыканцы мерапрыемства праглядзелі мультфільм “Беражыце воду”.
22 сакавіка спаўняецца 78 гадоў з дня трагедыі, якая адбылася ў Хатыні. Ні на адной самай падрабязнай геаграфічнай карце вы не знойдзеце сёння гэтай беларускай вёскі. Яна была знішчана фашыстамі вясной 1943 года. Загінулі 149 чалавек, з іх 75 дзяцей. Жудасныя падзеі гэтай вясны да гэтага часу болем адгукаюцца ў сэрцах беларусаў.Да Дня памяці ахвяр вёскі Хатынь на абанеменце раённай бібліятэцы была аформлена кніжная выстава “Гучаць Званы Хатыні” і праведзены агляд літаратуры.Навучэнцы Вялікабераставіцкай сярэдняй школы былі запрошаны на мерапрыемства - час памяці “Хатынь”. Яны даведаліся пра гісторыю ўзнікнення вёскі Хатынь і той жудаснай трагедыі, якая спасцігла жыхароў вёскі. Гучалі сведчанні з пратаколаў допыту тых, хто выжыў у гэтай страшнай трагедыі.Колькі б гадоў ні прайшло з дня Хатынскай трагедыі, для беларускага народа памяць пра яе заўсёды будзе святая. Полымя Хатыні абпальвае нашы сэрцы, нагадваючы аб тым, што трэба берагчы мір і спакой на роднай зямлі.
“Блакітны скарб Беларусі” - пад такой назвай праходзіць ў раённай бібліятэцы кніжная выстава, прысвечаная Сусветнаму дню вады. Бібліятэкары правялі агляд літаратуры па дадзенай тэме. Звярнулі ўвагу чытачоў на пытанне беражлівых адносін да водных багаццяў краіны і аховы водных рэсурсаў.