22 сакавіка ў Беларусі ўспамінаюць журботную дату. 78 гадоў таму разам з усімі жыхарамі фашысты спалілі вёску Хатынь. Загінулі 149 чалавек, з іх 75 дзяцей ва ўзросце да 16 гадоў, самаму малодшаму было ўсяго 7 тыдняў. Праз 26 гадоў на месцы трагедыі адкрылі мемарыял, які стаў сімвалам памяці мірных ахвяр усіх так званых «вогненных вёсак». Тут створаны адзіныя ў свеце могілкі, на якіх сімвалічна пахавалі 186 беларускіх вёсак, што падзялілі лёс Хатыні. Не абмінула гэтая навала і Бераставіцкі раён. У гады вайны фашыстамі была спалена вёска Верхаўляны. У вёсцы Верхаўляны прайшоў мітынг-рэквіем “Трагедыя спаленай вёскі”.
Вечар-рэквіем "Пазабыць такое немагчыма, таму што забыць нельга" прайшоў у філіяле "Кватарская інтэграваная сельская бібліятэка". Бібліятэкар распавяла ўдзельнікам мерапрыемства пра вялікую трагедыю Хатыні, якая на вякі захоўваецца ў народнай памяці і ў сэрцах кожнага новага пакалення аддаецца не меншым болем, чым у сэрцах тых, хто быў сведкам страшных падзей.